დიდებული ღვინო დიდებული ყურძნისგან მზადდება, მაგრამ სამყაროში იშვიათადაა ყველაფერი იდეალურ მდგომარეობაში. მევენახესა და მეღვინეს ესაჭიროება სპეციფიკური ცოდნა, რათა მათ ყურძნის მოყვანისა და ღვინის წარმოების პროცესში შეძლონ მოსალოდნელი რისკების აცილება.
ზადი და ნაკლი არის ყურძნის მოყვანის, ღვინის წარმოებისა და შენახვისას დაშვებული შეცდომების შედეგი. რომელთა მიზეზითაც ღვინოს არასასიამოვნო ორგანოლეპტიკური მახასიათებლები უვითარდება.
წიგნის შექმნის იდეა, სწორედ მეღვინეობა – მევენახეობაში დაგროვებულმა პრობლემებმა წარმოქმნა, ამიტომ, წიგნი სრულად შეიცავს რეკომენდაციებს.
წიგნის მოკლე აღწერა:
სახელმძღვანელოში განხილულია ღვინის ორგანოლეპტიკურ მახასიათებლებზე მოქმედი ძირითადი ფაქტორები, ველური მიკროფლორის ზეგავლენა ღვინის ხარისხზე, ღვინისთვის დამახასიათებელი დეფექტები: ზადი, ნაკლი, მიკრობიოლოგიური დაავადებები, მათი პრევენცია და შესაძლებლობის შემთხვევაში, ღვინის გამოსწორების მეთოდები.
სახელმძღვანელო მოიცავს ხარისხოვანი ღვინის წარმოებისათვის საჭირო ღონისძიებების, რთველის დაგეგმვის, ღვინის შედგენილობის მართვის, მჟავიანობის რეგულირების, გოგირდის დიოქსიდის, საფუარის წმინდა კულტურის, მუხის კასრისა და მისი ალტერნატიული მასალების გამოყენების მეთოდების მიმოხილვას.
წიგნი განკუთვნილია მევენახეობა – მეღვინეობის საგანმანათლებლო პროგრამის სტუდენტების, მეღვინეების, სომელიეებისა და ღვინის დეგუსტატორებისთვის.
ავტორი : მარიამ ხომასურიძე – საქართველოს ტექნიკური უნივერსიტეტის პროფესორი, ტექნიკის მეცნიერებათა აკადემიური დოქტორი, ენოლოგი და ღვინის მკვლევარი.
წიგნი დაიბეჭდა „ქართული ღვინის გილდიის“ მხარდაჭერით.
წიგნის შეძენა შესაძლებელია ღვინის სადეგუსტაციო მაღაზია „რეზერვში“. მის.: 9 აპრილის ქუჩა, #3