იმერული ღვინის კონკურსის დაჯილოდოების ცერემონიალი

ქართული ღვინის გილდია აგრძელებს რეგიონალური კონკურსების ჩატარებას.
ამჯერად კი წარმოგიდგენთ „იმერული ღვინის კონკურსის“ შეჯამებას.
კონკურსის მიზანი იყო იმერული ვაზის ჯიშის ყურძნისგან წარმოებული მაღალი ხარისხის ღვინოების წარმოჩენა და მათი პოპულარიზაცია.
კონკურსის ფარგლებში მიღებული ნიმუშების შეფასება მოხდა ადგილობრივი და
საერთაშორისო გამოცდილების მქონე პროფესიონალი დეგუსტატორების მიერ.
კონკურსი ჩატარდა RESOLUTION OIV/CONCOURS 332A/2009 სტანდარტით.
კონკურსი ჩატარდა ქართული ღვინის გილდიის ეგიდით, DMO იმერეთის, იმერული ღვინის ასოციაციის ორგანიზებითა და ჟურნალის HOMELAND OF WINE მხარდაჭერით. დაჯილდოების ცერემონიალი ჩატარდა ქალაქ ქუთაისში DMO იმერეთის ორგანიზებით.

სულ წარმოდგენილი იყო 49 მწარმოებლის 85 ღვინის ნიმუში.
აქედან 80-ის ზემოთ ქულა მიიღო 37-მა ნიმუშმა.

1. ბრინჯაო – 5 ნიმუში.
2. ვერცხლი – 8 ნიმუში.
3. ოქრო – 19 ნიმუში.
4. დიდი ოქრო – 5 ნიმუში.