100 საუკეთესო ღვინო!

100 Top Georgian Wines!

ქართული ღვინის გილდიისაგან!

Georgian Wine Guild!

სახელმწიფოს მიერ აღიარებული სერტიფიკატის მქონე დეგუსტატორების შერჩეული ღვინოები!..

Selected by Certified Wine Tasters, Holding the  State-Approved Certificate of Georgia!..

პროექტის არსი:

• დეგუსტაციის შედეგების საფუძველზე, 100 საუკეთესო ქართული ღვინის შერჩევა და  ქართულ-ინგლისურენოვანი წიგნის გამოცემა.
• წიგნი უსასყიდლოდ დაურიგდებათ ღვინის მაღაზიებს, რესტორნებს, სასტუმროებს, ღვინის მწარმოებლებს, ღვინის ბიზნესში ჩართულ ორგანიზაციებს. წიგნი განთავსდება www.topgeorgian.wine განახლებულ ვებგვერდზე.

პროექტის მიზანი:

• მაღალი ხარისხის ქართული ღვინოების პოპულარიზაცია;
• ხარიხსზე ორიენტირებულ მეწარმეთა მხარდაჭერა;
• საქართველოს, როგორც მაღალი ხარისხის ღვინოების მწარმოებელი ქვეყნის მსოფლიო საზოგადოებისათვის გაცნობა;

პროექტის განხორციელების ეტაპები:

• პროექტის შესახებ ღვინის მწარმოებელთა ინფორმირება, საინფორმაციო კამპანია;
• ღვინის დეგუსტაციების დაგეგმვა-ჩატარება, შედეგების შეჯამება, შეფასების ქულების წიგნის მომზადება/პუბლიკაცია.

კრეატიულობა და კონცეფცია:

• მწარმოებელი წიგნის პუბლიკაციამდე არ იქნება ინფორმირებული დეგუსტაციის შედეგების შესახებ და ასევე არ ეცოდინება დაიბეჭდება თუ არა მის მიერ წარდგენილი ღვინო 100 საუკეთესო ღვინის წიგნში;
• მწარმოებელებისა და ღვინის მომხმარებლების მოლოდინი გაზრდის საზოგადოების ინტერესს პროექტის მიმართ;
• განხორციელებული საინფორმაციო კამპანია ხელს შეუწყობს საწყის ეტაპზე პროექტის პოპულარიზაციას, ხოლო წიგნის გამოცემის შემდეგ გაზრდის ცალკეული ღვინის ცნობადობას.

ღვინოების დეგუსტაცია:

• ღვინის დეგუსტაცია ჩატარდება საერთაშორისო პრაქტიკის გათვალისწინებითა და ეთიკის ნორმების დაცვით;
• დეგუსტაცია დაიგეგმება და ჩატარდება ვაზისა და ღვინის საერთაშორისო ორგანიზაციის მიერ მიღებული სტანდარტით (OIV STANDARD FOR INTERNATIONAL WINE AND SPIRITUOUS BEVERAGES OF VITIVINICULTURAL ORIGIN COMPETITIONS EDITION 2021) დადგენილი მოთხოვნების შესაბამისად.

ღვინის სენსორულ შეფასებას განახორციელებენ მხოლოდ: 

• სახელმწიფოს მიერ აღიარებული სერტიფიკატის მქონე დეგუსტატორები, რომლებსაც საქართველოს სახელმწიფოს სტრუქტურებისა და გაეროს განვითარების ფონდის (UNDP) დაფინანსებით წარმატებით გავლილი აქვთ დეგუსტაციის შემსწავლელი პროფესიული მომზადება/გადამზადების პროგრამები და ფლობენ სახელმწიფოს მიერ აღიარებულ სერტიფიკატს.

პროექტის ძლიერი მხარე და სანდოობა:

• „ქართული ღვინის გილდიის“ ღვინის დეგუსტაციებისა და კონკურსების ჩატარების, მწარმოებელთა კონსულტაციების, საგანმანათლებლო პროექტების განხორციელების 6 წლიანი გამოცდილება;
• გავლილი საქმიანობით მოპოვებული მწარმოებელთა და მომხმარებელთა ნდობა;
• საერთაშორისო თანამშრომლობის გამოცდილება;
• კვალიფიციური კადრები, რომლებსაც აქვთ როგორც პრაქტიკული, ისე სასწავლო-კვლევითი გამოცდილება.

„ქართული ღვინის გილდიის“ წარმატებული პროექტები:

• სსიპ განათლების ხარისხის განვითარების ეროვნული ცენტრის პროფესიული მომზადება/გადამზადების პროგრამების განხორციელების უფლების მიმნიჭებელი საბჭოს

გადაწყვეტილების საფუძველზე, პროფესიული მომზადების/გადამზადების პროგრამების  „ღვინის დეგუსტატორი“, „ღვინის წარმოების ტრადიციული და თანამედროვე მეთოდები“, „მევენახეობის მოკლე კურსი“ გახორციელება;

• პროფესიული მომზადება/გადამზადების პროგრამებზე სწავლების დაფინანსების პროექტების ფარგლებში, მოპოვებული დაფინანსებები: გაეროს განვითარების პროგრამის (UNDP), „პროფესიული უნარების სააგენტო“, „დასაქმების ხელშეწყობის სახელმწიფო სააგენტო”;
• მეღვინეობა-მევანახეობის მიმართულებით შემუშავებულ ტრენინგ/სასწავლო კურსებზე სწავლება:
• რთველისთვის მომზადება;
• რთველის შემდგომი პროცესები;
• მაღალ ალკოჰოლური სასმელების ტექნოლოგია;
• ღვინის დაწმენდა-ფილტრაცია;
• ბიომევენახეობა, ბიომეღვინეობა და სერტიფიცირების პროცესი;
• ალკოჰოლური სასმელების სერტიფიცირების ეტაპები, მწარმოებლიდან – მომხმარებლამდე (ლოჯისტიკა);
• მეღვინეობის რეგულაცია და სერტიფიცირება;
• ღვინის გემო, არომატი, დეფექტები და ბაქტერიული დაავადებები;
• მსოფლიო ღვინოების მცოდნე;
• ღვინის მომზადება ჩამოსხმისათვის;
• ღვინის ბრენდინგი და მარკეტინგი;
• ცქრიალა ღვინის და პეტნატების ტექნოლოგია.
• პროექტი ,,საქართველოს საუკეთესო ღვინოები“ ქართველი მწარმოებ­ლების მიერ წარმოდგენილი ღვინისა და ყურძნისეული წარმოშობის ალკოჰოლური სასმელების დეგუსტაცია/შეფასება topgeorgian.wine -ზე განთავსება;
• 2021-დან დღემდე ჩატარებული ფესტივალები და კონკურსები: ,,ბოლნისი – ოქროსფერი ღვინის ქალაქი”, კონკურსი „იმერული ღვინის კონკურსი“, კონკურსი  ,,ქართლის ღვინოები -უფლოსიდან თანამედროვეობამდე“;
• საერთაშორისო აქტივობები – პროექტ topgeorgian.wine-ის მხარდაჭერით, პარიზის Wine Paris & Vinexpo Paris 2023 გამოფენაზე 7 ქართველი მცირე მეწარმის ღვინოების გამოფენაზე წარდგენა;
• „ქართული ღვინის გილდიის“ პროექტ topgeorgian.wine-სა და იტალიის Rassegna Internazionale dei Vitigni Autoctoni Iglesias 2023-ის გამოფენის (ენდემური ვაზის ჯიშებისაგან დაყენებული ღვინოების საერთაშორისო გამოფენა) ექსკლუზიური პარტნიორობის ფარგლებში, 13 ქართველი მცირე მეწარმის ღვინოების გამოფენაზე წარდგენა.