გილდიის შესახებ

„ქართული ღვინის გილდია“ არის საქართველოს მევენახეობა-მეღვინეობის სექტორში მოქმედი კომპანია, რომელიც ეწევა როგორც საგანმანათლებლო საქმიანობას, ასევე საზოგადოების ინფორმირებას, ქართული მაღალი ხარისხის ღვინისა და ყურძნისეული წარმოშობის ალკოჰოლური სასმელების შესახებ.

ჩვენ მიერ ხორციელდება პროექტი “topgeorgian.wine “, რომელიც ემსახურება:
  • საქართველოში წარმოებული ღვინისა და ყურძნისეული წარმოშობის ალკოჰოლური სასმელების ხარისხის სისტემატურ მონიტორინგს;
  • ხარისხზე ორიენტირებულ მწარმოებელთა ხელშეწყობასა და მოტივაციას;
  • ქართული მაღალხარისხოვანი ღვინისა და ყურძნისეული წარმოშობის ალკოჰოლური სასმელების რეალიზაციის ხელშეწყობას;
  • საქართველოში წარმოებული ღვინისა და ყურძნისეული წარმოშობის ალკოჰოლური სასმელების ადგილობრივ და საერთაშორისო ბაზარზე ღირსეული ადგილის დამკვიდრებას;
  • ქართული ყურძნის ჯიშებისა და ტრადიციული ტექნოლოგიების პოპულარიზაციას.

„ქართული ღვინის გილდია“ პროექტის ფარგლებში აქტიურად ატარებს, ქართველი მწარმოებლების მიერ წარმოდგენილი ღვინისა და ყურძნისეული წარმოშობის ალკოჰოლური სასმელების – ბრმა დეგუსტაციებს და რეგიონალურ კონკურსებს საქართველოს მასშტაბით, რომლებიც ტარდება საერთაშორისო პრაქტიკის შესაბამისად. ხარისხის მონიტორინგის მიზნით, აღნიშნული სასმელების შეფასება ხდება ორგანოლეპტიკური გზით, პროფესიონალი დეგუსტატორების მიერ. ვებგვერდზე განთავსდება მხოლოდ ის ალკოჰოლური სასმელები, რომლებიც 100 ქულიანი სისტემიდან დაიმსახურებენ 80 და 80 ქულაზე მეტ შეფასებას.

დეგუსტაციაში მონაწილე მწარმოებლების შესახებ ინფორმაცია კონფიდენციალურია. ჩვენთვის მნიშვნელოვანია დეგუსტატორთა პროფესიონალიზმი.

ქართული ღვინის გილდია“ ასევე პერმანენტულად გთავაზობთ სხვადასხვა სახის საინფორმაციო თუ საგანმანათლებლო აქტივობას.

კომპანიის საგანმანათლებლო საქმიანობას რაც შეეხება, მოიცავს სასწავლო კურსებისა და პროფესიული გადამზადების პროგრამების განხორციელებას. სწავლის დასრულების შემდეგ გაიცემა სახელმწიფოს მიერ აღიაებული ორ ენოვანი – ინგლისურ/ქართული სერტიფიკატი. აღნიშნული პროფესიული გადამზადების პროგრამები განკუთვნილია სტარტაპერების, ღვინის ბიზნესში ჩართულ, დაინტერესებულ პირთა, ასევე ღვინის მარნებში სერვისისა და ტურიზმის სექტორში დასაქმებულთა გადასამზადებლად. დეტალური ინფორმაციისთვის შეგიძლიათ გადახვიდეთ ბმულზე http://www.studywine.ge.

ჩვენი მიზანია ხარისხზე ორიენტირებულ მეწარმეებთან თანამშრომლობა, რათა მომხმარებლებს შევთავაზოთ მაღალხარისხოვანი ღვინისა და ყურძნისეული წარმოშობის ალკოჰოლური სასმელები.

ქართულ ღვინოს აქვს პოტენციალი, დაიკავოს ღირსეული ნიშა და ადგილი საერთაშორისო ბაზარზე, მხოლოდ ხარისხიანი პროდუქტის შეთავაზებით.

Topgeorgian.wine – ხარისხის გარანტი!

 

ჩვენი პარტნიორები

შატო ზეგაანი

„კახური ღვინოები“

ჩვენი პარტნიორები

„ჯეოვაინ თრეიდინგი“

„საქართველოს ენოლოგთა კავშირი“

„ტელეკომპანია საფერავი“

„ტელეკომპანია საფერავი“

ka_GEGeorgian
en_GBEnglish ka_GEGeorgian