„ქართული ღვინის გილდიის“ ორგანიზებით, ღვინის სადეგუსტაციო მაღაზია „რეზერვის“ , უფლისციხის მუზეუმის და ჟურნალის HOMELAND OF WINE მხარდაჭერით 21 ნოემბერს, როგორც უკვე წინა სტატიაში მოგახსენეთ ჩატარდა კონკურსი „ქართლის ღვინო უფლოსიდან თანამედროვეობამდე“.

აღნიშნული კონკურსის მონაწილეების დაჯილდეობის ცერემონიალი ქართული ღვინის გილდიის მიერ გაიმართა 19 დეკემბერს. ცერემონიალს ესწრებოდნენ როგორც კონკურსში მონაწილე კომპანიები/მწარმოებლები ასევე ღვინის სექტორში მოღვაწე სპეციალურად მოწვეული სტუმრები.

კონკურსის სახელწოდებიდან გამომდინარე მოგეხსენებათ მონაწილეობა მიიღეს მხოლოდ იმ კომპანიებმა/მწარმოებლებმა რომლებიც აწარმოებენ ღვინოს ქართლის რეგიონში.

კონკურსზე  წარმოდგენილი იყო  ორი  ნომინაცია:  „ქართლის   ვაზის  ჯიშებისაგან წარმოებული  ღვინო“ და „ენდემური  ვაზის ჯიშებისაგან ქართლში  დამზადებული  ღვინო“.  სამი ყველაზე მაღალი შეფასების მქონე ღვინის გამოვლენისას ქართული ღვინის გილდიამ კონკურსის შინაარსიდან გამომდინარე უპირატესობა მიანიჭა ქართლის ვაზის ჯიშებისაგან  ქართლში წარმოებულ ღვინოებს და შესაბამისად სამეულიც გამოვლინდა ამ ნომინაციიდან.

ესენია:

1. ბოლნისის ოქროს საწმისი  – თავკვერი 94 ქულა – დიდი ოქროს მედალი
2. მეღვინეობა აგიდელა – გორული მწვანე – 93 ქულა – დიდი ოქროს მედალი
3. ვილა მოსავალი – გორული მწვანე კასრის – 91 ქულა – ოქროს მედალი

ასევე კონკურსის შედეგად გამოვლენილი 10 ყველაზე მაღალი ქულის მქონე საუკეთესო ღვინო, დაიბეჭდა პერიოდულ  ჟურნალში Homeland Of  Wine. რისთვისაც ქართული ღვინის გილდია მადლობას უხდის გამომცემლობას, თანამშრომლობისთვისა და მხარდაჭერისთვის.

დანარჩენი ყველა მონაწილე კომპანიის/მწარმოებლის ღვინო, რომელიც სადეგუსტაციო კომისიის მიერ შეფასდა 80 და 80 ქულის ზემოთ, შეგიძლიათ იხილოთ ჩვენს ვებ გვერდზე – კატალოგში.